Áset Isekeshev Elbasy tapsyrmalaryn oryndaý tetikterin aıtty
Otyrysqa Prezıdent Ákimshiliginiń basshysy, Ulttyq bank tóraǵasy Danııar Aqyshev, Premer-mınıstrdiń orynbasary Erbolat Dosaev, Premer-Mınıstr Keńsesiniń basshysy Nurlan Aldabergenov, Ulttyq ekonomıka mınıstri Tımýr Súleımenov qatysty.
Otyrysqa qatysýshylar Memleket basshysynyń bıylǵy halyqqa Joldaýyn júzege asyrý boıynsha Jalpy ulttyq is-sharalar josparynyń barlyq negizgi baǵyttarynyń mehanızmderi men algorıtmderin jiti talqylady.
Prezıdent Ákimshiliginiń basshysy josparlanǵan búkil is-sharalar boıynsha naqty jetistikke jetip, mindetterdi tıimdi júzege asyrý úshin barlyq múddeli memlekettik organdardyń jumysyń úılesimin qamtamasyz etýdi tapsyrdy
Budan bólek, Áset Isekeshev Memleket basshysynyń tapsyrmasyna sáıkes barlyq negizgi strategııalyq qujattardyń júzege asyrylý baǵasy men keshendi monıtorıngin qamtamasyz etetin Ulttyq jańǵyrtý komıtetiniń negizgi qyzmetteri men mindetteri týraly aıtyp ótti.
Otyrys qorytyndysy boıynsha, qatysýshylarǵa barlyq deńgeı, sonymen qatar áleýmettik mańyzy bar Joldaýdyń alǵashqy kezektegi sharalaryn júzege asyrý boıynsha júıeli baqylaý júrgizýdi júktedi.
Eske sala ketsek, osy jyldyń 5 qazanynda Qazaqstan Respýblıkasynyń Prezıdenti Nursultan Nazarbaev Qazaqstan halqyna «Qazaqstandyqtardyń ál-aýqatynyń ósýi: Tabys pen turmys sapasyn arttyrý» Joldaýyn jarııalaǵan bolatyn.
