Áset Isekeshev «El Umiti» bastamasynyń Qamqorshylar keńesiniń quramy týraly aıtty
NUR-SULTAN. QazAqparat – QR Tuńǵysh Prezıdenti Qorynyń Atqarýshy dırektory Áset Isekeshev «El Umiti» bastamasynyń Qamqorshylar keńesiniń múshelerin tanystyrdy.
Bul týraly ol óziniń Facebook-tegi paraqshasynda jazdy, dep habarlaıdy QazAqparat.
«Sońǵy birneshe aıda bizdiń qor Elbasymyz Nursultan Nazarbaev usynǵan «El Umiti» bastamasy aıasyndaǵy jobalardy belsendi túrde damytýda. Osy jobalar arqyly biz óte mańyzdy mindetti oryndamaqpyz – ıaǵnı, daryndy oqýshylar men jastarǵa óz qabiletin ashýǵa, tabysty damýdyń jolyn tabýǵa, múmkindik bergimiz keledi. Sizderge jobalardy ázirleý men iske asyrýdy úılestiretin «El Umiti» bastamasynyń Qamqorshylar keńesin tanystyrǵym keledi. Onyń quramyna bilim berý, IT jáne ınnovatsııa salasyndaǵy otandyq jáne sheteldik sarapshylar kirdi. Seriktesterimizge - Úkimetke, jergilikti atqarýshy organdar, halyqaralyq jáne otandyq úkimettik emes uıymdar, táýelsiz sarapshylarǵa - bizge jan-jaqty qoldaý kórsetkeni úshin alǵys aıtamyn», dep jazdy.
Sondaı-aq ol jelidegi kelesi posttarda «El Úmiti» bastamasynyń ár baǵyty týraly egjeı-tegjeıli jazatynyn aıtty.
