Áset Isekeshev daryndy jastarmen kezdesti
ASTANA. QazAqparat - Astana qalasynyń ákimi Astana Innovations Challenge startap marafonynyń jeńimpazdarymen kezdesti, dep habarlaıdy Astana qalasy ákimdiginiń medıa ortalyǵy.
«Smart Astana» tujyrymdamasyn iske asyrý aıasynda Astana qalasy ákimdiginiń tarapynan ınnovatsııalyq ekojúıeni damytýǵa jáne qalany damytýǵa daryndy jastardy jumyldyrýǵa kóp kóńil bólinýde. Osylaısha, osy jyldyń shilde aıynda Astana qalasynyń ákimdigi atynan «Astana Innovations» AQ MOST bıznes-ınkýbatorymen birlesip, Astana Innovations Challenge startap marafonyn iske qosty.
Jarty jyl ishinde 6 startap-baıqaý (4 startap ýıkend jáne 2 hakaton) ótkizildi. Іs-sharaǵa respýblıkanyń túkpir-túkpirinen 1500-den astam adam qatysyp, olar ózara 150 komanda qurdy. Startap marafonnyń barysynda qazylar alqasy 60 úmitkerdi anyqtap, olardyń arasynan 18 komanda jeńimpaz atandy. Jobalardy baǵalaý úshin álemniń 8 eli men halyqaralyq uıymdardan 90-nan astam sarapshy shaqyryldy.
Kezdesý barysynda qala ákimi Áset Isekeshev: «Men sizder sııaqty jas, ıdeıasy kóp, belsendi jandarmen kezdeskenime qýanyshtymyn. Astana jańa ıdeıalar men jańa tehnologııalar ortalyǵy bolýda jáne ony ary qaraı da damytýǵa sizderge barlyq múmkindik jasalady, el ekonomıkasyndaǵy jahandyq jáne tehnologııalyq ózgerister dáýirinde basty rólge ǵylym men ınnovatsııalar ıe», - dedi.
Óz kezeginde jastar jasaǵan jobalary týraly qysqasha aıtyp berdi. Mysaly, jańa tehnologııalardy qoldana otyryp qalany qardan tazalaýdy tıimdi, sapaly, únemdi etýge bolatyny, úıden shyǵar qoqysty qatty jáne suıyq túrge bólýge turǵyndardy yntalandyrý, kósheni energııa únemdegish shamdarmen jáne balamaly energııa kózimen qamtamasyz etý jáne de densaýlyq salasynyń sapasyn kóterýge baılanysty jobalar.
Kezdesýge kelgen Álkeı Amanjolov densaýlyq salasynyń sapasyn kóterýge baılanysty ıdeıasyn aıtyp berdi.
«Dárigerlerde aýrýdyń aldyn alýǵa ýaqyt ta, múmkindik te joq. Biz bir-birine táýeldi emes 3 tehnologııa arqyly osy suraqtyń sheshý joldaryn qarastyryp jatyrmyz. Datchıkter arqyly aqparat jınaý, blokcheın arqyly saqtaý, algorıtm arqyly neırondy júıe syrqattyń aldyn alýǵa kómek beredi. Birer jyldan soń biz syrqattyń qandaıda bir aýrýmen aýrýy múmkindigin aldyn ala bilip, jolyn kesý múmkindik alamyz», - dedi ol.
Astana qalasynyń ákimi árdaıym dıalogqa ashyq ekenin jáne jan-jaqty qoldaý bildirýge daıyn ekenin aıtyp ótti. Qala ómirine daryndy adamdar men jastardy tartqysy keletinin, sondyqtan bar máseleler men mindetterdisheshý úshin tehnologııalyq sheshimder tabýdy usynatynyn bildirdi.
Qorytyndylaı kele, ákim qatysýshylarǵa Astana Innovations Challengestartap-marafony kelesi jyly óz jumysyn jalǵastyratynyn habarlap, oǵan belsene qatysýǵa, sondaı-aq, óz ıdeıalaryn iske asyryp, jetekshi halyqaralyq sarapshylardyń pikirlerin estýge shaqyrdy.
