Áset Isekeshev birqatar ınfraqurylym nysandarynyń qurylysymen tanysty
ASTANA. QazAqparat - Elorda ákimi Áset Isekeshev birneshe ınfraqurylym nysandarynyń qurylysymen tanysty. Bul týraly qala ákimdiginiń saıty habarlady.
Elorda ákimi «Báıterek» qosalqy elektr stansasynyń qurylysymen tanysty, ony 2017 jyly qańtarda iske qosý kózdelgen. Shaǵyn stansa Jańa vokzaldy, №15, 16 sorǵy stansalaryn jáne álemdik deńgeıdegi «Kásipqor» kolledjin elektr energııasymen jabdyqtaıtyn bolady.
Áset Isekeshev ǵımaratynyń qurylysy aıaqtalǵan №15 sorǵy stansasyn da aralap kórdi. Munda sorǵylardy, qubyrlardy, ınjenerlik jelilerdi (sý qubyryn, káriz, nóser kárizin) montajdaý jumystary júrgizildi. Elektr jáne BÓQjA, tehnologııalyq protsesti basqarýdyń avtomattandyrylǵan júıesin montajdaý, ishki árleý jumystary jalǵasýda.
Sorǵy stansasyn 2016 jyldyń 15 qazanynda iske qosý josparlanǵan. Sondaı-aq, Astana ákimi JEO-2 jańǵyrtý jáne qalpyna keltirý barysymen tanysty.
Sapar sońynda Áset Isekeshev №9 qalalyq emhanaǵa at basyn tiredi. Emhananyń jalpy aýdany 9935,1 sharshy metr, mekeme zamanaýı emdeý-dıagnostıkalaý jabdyqtarymen jabdyqtalǵan bilikti mamandar qyzmet etetin 11 bólimnen turady. 2016 jyldan bastap emhanada Qazaqstan Respýblıkasynda densaýlyq saqtaýdy damytýdyń 2016-2019 jj. arnalǵan «Densaýlyq» memlekettik baǵdarlamasy aıasynda aýrýdyń aldyn alý men basqarýǵa ıntegratsııalyq turǵydan qaraý negizinde qoǵam densaýlyǵyn qorǵaý boıynsha jańa saıasat qolǵa alynyp, endoskopııalyq polıpektomııa men gısteroskopııalyq operatsııalar praktıkaǵa engizildi.
