Áset Isekeshev Astanany jahandyq qalaǵa aınaldyrýdy qalaı elestetetinin aıtyp berdi
«Jahandyq qalalardyń qataryna Dýbaı nemese Sıngapýr sekildi qalalardy engizýge bolady. Ondaı shaharlarda sapaly ınfraqurylymnyń joǵary sapasy - áýejaılar, otelder, restorandar, aýrýhanalar men áleýmettik nysandar aıqyn kórinedi. Sol baǵytta Astanada birshama nysandar salyndy. Ekinshiden, biz ınvestorlardy qorǵaýdyń joǵary deńgeıine beıimdelip otyrmyz. Jalpy Qazaqstanda ınvestorlardyń qorǵalý deńgeıi joǵary. Biraq, «Astana» Halyqaralyq qarjy ortalyǵynyń salynyp jatqanyn - postkeńestik elderdiń ishinde revolıýtsııa dep aıtýǵa bolady. Brıtandyq quqyqpen mundaı brıtandyq sýdıalar jumys isteıdi. Bul - osynda jumys isteýge keletin ınvestorlardyń úlken senimin qalyptasyrady», - dedi qala ákimi.
Ol qalany damytýda múmkindikterdi jasaı bilý kerek ekenin tilge tıek etti.
«Osy qalada birneshe ýnıversıtet ashylady. Bilim júıesindegi kóshbasshymyz - Nazarbaev Ýnıversıteti bar. Ol tolyq keshendi quraıdy. Elordada álemdik deńgeıdegi medıtsınalyq jeliler jumysyn bastaıdy. Demek, osynyń bári Astanany jahandyq qalaǵa aınaldyrýdyń joldary bolyp esepteledi. Adam qalamyzǵa kelip, úıindegideı sezinip, bıznesin bastap nemese bilimin alyp júrýge múmkindik alýy - mine bizdiń kózdep otyrǵanymyz osy. Sondyqtan, álemniń iri jetekshi qalalarynyń tájirıbesin tereń zerttep otyrmyz», - dedi ol.
Áset Isekeshevtiń aıtýynsha, London, Vena, Berlın sekildi kóne qalalarmen birge, Dýbaı jáne Sıngapýr sekildi shaharlardyń tájirıbesi qalalyq ákimdik úshin mańyzdy.
«Týrızm men bilim salasyna da basa mańyz berip otyrmyz. Sondyqtan, bul úlken protses. Biz árdaıym oqý ústindemiz», - dedi qala ákimi.
