Áset Isekeshev Astanaǵa gaz tartýdyń mán-jaıyn aıtty
«Biz Astanaǵa gaz tartý boıynsha sheshim qabyldaýǵa jaqyndap qaldyq. Osy baǵytta kóptegen ekonomıkalyq, onyń ishinde logıstıkalyq máseleler pysyqtaldy. Taıaýda tıisti sheshim qabyldanady jáne osy turǵyda ońtaıly nátıje bolady degen úmittemiz. Qazirgi kezde birneshe nusqalar qarastyrylyp jatyr. Maýsym-shildede bul másele boıynsha keńes ótkiziledi dep kútýdemiz»,-dedi Isekeshev Astana ekonomıkalyq forýmy aıasyndaǵy sessııa jumysynda.
Budan bólek ákim búginde qoǵamdyq kólikter men avtomobılderdi gazǵa aýystyrý jobalary bastalǵanyn, qalada gazben qaıta jabdyqtaý stansasy salynǵanyn atap ótti. «Nazarbaev Ýnıversıteti» gaz esebinen jylytý júıesine kóshedi.
Aıta keteıik, búgin bastalǵan Astana ekonomıkalyq forýmyna 100 elden 4 myń delegat qatysýda. Olardyń arasynda saıasatkerler, ekonomıster, qarjylyq ınstıtýttar men halyqaralyq uıymdardyń ókilderi bar.
