Áset Isekeshev Astanadaǵy sýdyń kólkýin retteıtin kásiporyn qurýdy usyndy
ASTANA. QazAqparat - Elorda basshysy Áset Isekeshev Astanadaǵy jańbyr saldarynan kóshelerdi alyp ketetin sýdy shyǵarýmen aınalysatyn arnaıy kásiporyn ashýdy usyndy, dep habarlaıdy QazAqparat tilshisi.
Úkimet otyrysynda Baqytjan Saǵyntaevtyń suraǵyna jaýap bergen Áset Isekeshevtiń aıtýynsha, Astanadaǵy káriz ben qaladan sý shyǵarý júıesi shaharda úsh jyldyq baǵdarlamaǵa baılanysty daıyndalǵan.
«Ákimdik óte aýqymdy jumystardy atqardy. Ótken jyly Turan men Uly Dala kósheleriniń, 31-shi kósheniń, Kóktal kenti men Myń Jyldyq alleıasynyń tazartý qurylymyn aıaqtadyq. Bir jyldyń ishinde qarqyndy qadammen Turan-Syǵanaq tazartý qurylymdarynyń kúrdeli jóndeýin aıaqtadyq. Álbette, kúrdeli ýchastoktar bar. Ásirese, Aqbulaq, Momyshuly jaqqa Abylaı han kóshelerinen, Jastar shaǵynaýdany men Ońtústik-Shyǵystan jáne Qoshqarbaev, Táýelsizdik, Myń Jyldyq pen ózge de jaqtan sý jınalady. Sý aǵyzyp shyǵarýdy eki esege kúsheıtý úshin kúrdeli tehnıkalyq sheshim tabyldy. 2019 jyly ol júzege asady. Osylaısha, qarjylandyrýdy eskere otyryp, jumys qarqyndy túrde júrgizilýde. Úsh jyldyń ishinde negizgi máseleler sheshimin tabatyn bolady», - dedi ol.
Qala basshysy sonymen birge sońǵy kúnderi tirkelgen jaǵdaılar boıynsha sóz qozǵady.
«Qazgıdromettiń málimetine sáıkes, bir jarym táýliktiń ishinde aılyq normadan bir jarym ese kóp jaýyn jaýǵan. 21 tamyzda kúnimen jańbyr jaýdy. 20 tamyzda 17 saǵat boıy tynymsyz taǵy nóser boldy. Úsh kúrdeli ýchastok boıynsha sý kólký jaǵdaıy tirkeldi. Ol jerlerden normatıv boıynsha sý sorylyp, syrtqa shyǵaryldy», - deıdi Áset Isekeshev.
Shahar basshysy kommýnaldyq qyzmetter eki táýlik boıy tynymsyz jumys júrgizgenin atap ótti.
«Jaýynǵa arnalǵan káriz júıeleri jaqsy jasalǵan Sıngapýr, Máskeý, Kıevte, Germanııanyń, AQSh pen Frantsııanyń qalalarynda da tynymyz jaýyn saldarynan sýdyń kólkip ketý jaǵdaıy bolǵanyn atap ótkim keledi. Ákimdik Úkimetpen birge atalmysh máseleni jiti baqylaýynda ustap otyr. Baqytjan Ábdiruly, qazir tabıǵı monopolııalar týraly zańda jańbyr sýyn shyǵarý qyzmeti rettelmegen. Mine, sondyqtan biz Astanada kásiporyn qurý týraly sheshim qabyldaǵymyz keledi. «Astana Tazalyqtyń» bazasynda káriz júıelerin balansta ustaıtyn kásiporyn quratyn ýaqyt keldi. Osyǵan baılanysty jaýapty mınıstrlikke tapsyrma berýińizdi, «Astana Tazalyqty» jekeshelendirý baǵdarlamasynan shyǵaryp tastaýyńyzdy suraımyn», - dedi Áset Isekeshev.
Eske sala ketsek, búgingi Úkimet otyrysynda Baqytjan Saǵyntaev sońǵy kúnderi nóser saldaryna baılanysty elordanyń kommýnaldyq qyzmetteriniń jumysyn kúsheıtýdi tapsyrǵan bolatyn.
https://kaz.inform.kz/news/sagyntaev-astanadagy-noser-saldary-zhayly-20-zhyl-boyy-bugan-atusti-karap-kelemiz_a3364119
