Áset Isekeshev Astana LRT kompanııasynyń burynǵy basshysy týraly pikir bildirdi

NUR-SULTAN. QazAqparat - QR Tuńǵysh Prezıdenti - Elbasy qorynyń atqarýshy dırektory Áset Isekeshev «Astana LRT» JShS burynǵy basshysy Talǵat Ardan isi týraly pikir bildirdi, dep habarlaıdy Qazaqparat tilshisi.

«Biz ony qyzmetinen bosatqanda birqatar materıaldy quqyq qorǵaý organdaryna jibergenbiz. Qazir tergeý jalǵasyp jatyr, quqyq qorǵaý organdary nátıjesin ózderi aıtady», - dedi Áset Isekeshev elordada jas ǵalymdar forýmynyń ashylýynda tilshilerge bergen suhbatynda.

Aıta keteıik, «Astana LRT» JShS-nyń burynǵy basqarma tóraǵasy Talǵat Ardanǵa halyqaralyq izdeý jarııalanǵany buǵan deıin habarlanǵan bolatyn.

«Astana LRT» JShS-nyń burynǵy basqarma tóraǵasy Talǵat Ardanǵa qatysty Sybaılas jemqorlyqqa qarsy is-qımyl agenttigi departamenti tarapynan qylmystyq is qozǵaldy.