Áset Isekeshev Alık Shpekbaevqa Smart Astana qosymshasyn paıdalanýdy úıretti
Emhanany zamanaýı úlgide qaıta jasaqtaýdyń nátıjesinde emdelýshiler úshin arnaıy baǵyt-baǵdar beretin júıe iske qosylǵan. Sondaı-aq tsıfrly tehnologııany túsindirý maqsatynda zamanaýı tsıfrlyq dúńgirshiktermen jabdyqtalǵan. Arnaıy keńesshiler olardy qoldanýǵa yntalylardy oqytady da.
Mekemeniń 4-shi qabatynda Sıtýatsııalyq ortalyq qurylǵan. Onda klıentke baǵdarlanǵan qyzmet kórsetý prıtsıpinde jumys jasaıtyn jańartylǵan koll-ortalyq bar. Sondaı-aq Sıtýatsııalyq ortalyqta emhananyń jumysy týraly onlaın-rejımde tolyq aqparat beriledi.
«Bizdiń patsıentterimiz emhananyń qabyrǵalaryna ilingen, eshkim oqymaıtyn aqparattarǵa shaǵym jasaǵan bolatyn. Olardyń barlyǵyn alyp tastap, aqparattyq dúńgirshekterge ornalastyrý týraly sheshim qabyldadyq. Dúńgirshekte qajetti aqparattardyń barlyǵy úsh tilde beriledi»,- dedi Astana qalalyq qoǵamdyq densaýlyqty saqtaý basqarmasynyń basshysy Kamaljan Nadyrov.
Osy rette elorda ákimi Áset Isekeshev atalǵan qyzmetterdi paıdalanýdy oqytý qajettigin atap ótti.
«Bul tehnologııalardy paıdalanýdy turǵyndarǵa úıretý kerek. Qarapaıym jadynamalar jasap, ony BAQ arqyly taratý qajet», - dep atap ótti qala basshysy.
Sonymen qatar ol Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa Smart Astana mobıldi qosymshasy arqyly medıtsınalyq qyzmetterdi qalaı paıdalanýǵa bolatynyn kórsetti. Óz kezeginde agenttik basshysy tsıfrlyq jańǵyrtylǵan №10 emhananyń oń tájirıbesin elimizdiń barlyq medıtsınalyq uıymdaryna taratýǵa tapsyrma berdi.
