Áset Isekeshev: Aldaǵy eki jyldaǵy maqsat - qala shetterin tolyǵymen asfalttaý

«Ózderińiz biletindeı, Prezıdent elordadaǵy ómir sapasyna mańyz bere otyryp, Astanany damytýdy tapsyrǵan bolatyn. Sondyqtan, bizde «20 qadam» degen arnaıy baǵdarlama jasaldy. Onyń eki baǵyty bar. Olardyń birinshisi ómir sapasy men ortanyń sapasy, ekinshisi halyq tabysynyń ósimi. «20 qadamnyń biri» - «Shetsiz qala» dep atalady», - deıdi ol.

Áset Isekeshevtiń aıtýynsha, qala boıynsha 100 kóshe jóndelgen. Onyń 55-i turǵyn úı massıvterinde (shetinde - avt.) ornalasqan.

«Demek, biz qalanyń shetterine endik. Bıyl 91 kóshe salynyp, jóndeledi. Olardyń ishindegi 70-i qala shetindegi joldar. ıAǵnı, bizdiń aldaǵy eki jyldaǵy maqsatymyz - qala shetterin tolyǵymen asfalttaý. Ózderińiz biletindeı, kelesi jyl ol jaqqa gaz jetedi. Eń aldymen Kóktal-1, Kóktal-2 jáne Ońtústik-Shyǵysqa gaz tartylady. Úshinshiden, jaryq máselesi osy jyly retteledi. Tórtinshiden, aıaldamalar. Besinshiden, ol jaqtarda biz saıabaqtar men qoǵamdyq-sporttyq ortalyqtardy salýdy kózdeýdemiz. Bul biz úshin basymdyq», - dedi ol «Rýhanı jańǵyrý» baǵdarlamasyn júzege asyrý týraly OKQ-da ótken baspasóz máslıhatynda.

Qala basshysy sonymen birge joldardyń sapasy týraly aıtty.

«Birinshiden, joldardyń sapasyn baqylaıtyn zerthanalar ashylýda. Sonymen qatar, jol sapasyn baqylaıtyn sheteldik mamandardy tartyp jatyrmyz. Ol jerde birneshe sebep bar. Merdigerlerdiń joldy sapasyz salatyn jaǵdaılar kezdesedi. Tehnologııalyq tsıkldyń da buzýshylyqtarymen betpe-bet kelemiz. Máselen, jol tóseý úshin kúndiz jáne túnde úsh kúni boıy aýa temperýatýrasy +15 gradýs bolyp turýy kerek. Áıtpese, asfalt buzylady. Bizde biraq aýa raıy buǵan jol bere bermeıdi. Sondyqtan, bizdiń merdigerlerde keıde máseleler týyndap jatady», - deıdi Áset Isekeshev.