Áset Isekeshev Aqparattyq tehnologııalar parkin damytý máseleleri jóninde keńes ótkizdi
TANA. 13 qyrkúıek. QazAqparat - Almaty qalasynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshevtiń tóraǵalyǵymen «Aqparattyq tehnologııalar parki» AEA odan ári damytý máseleleri boıynsha kóshpeli keńes ótkizildi,
dep habarlady QR Indstrııa jáne aqparattyq tehnologııalar mınıstrliginiń aqparat basqarmasy.
Keńes aldynda vıtse-premer Park aýmaǵynda ónim óndirisin uıymdastyratyn 6 kompanııanyń jobalarymen tanysty. Shyǵarýǵa josparlanǵan ónimniń assortımenti óte mol: jaryq beretin shamdar, lazerlik prınterlerge arnalǵan jınaqtaýshylar, uıaly telefondar, kommýtatorlar, telekommýnıkatsııalyq jabdyq, keńse taýarlaryn satý jónindegi avtomattar. Qazirgi ýaqytta, atalǵan kompanııalar tehnologııalyq qajettilikke arnalǵan óndiristik modýldi qaıta jasaqtaý jónindegi jumystardy júrgizýde, jabdyqty jetkizý kútilýde. Óndiristerdi iske qosý aǵymdaǵy jyldyń sońyna deıin josparlanǵan.
Budan ózge, taǵy on kompanııa óz jobalaryn usyndy, olar taıaý ýaqytta Parkke kirýdi josparlap otyr.
Áset Isekeshev jobalyq tolyqtyrý jónindegi júrgizilip otyrǵan jumysty oń baǵalady jáne eleýli ınnovatsııalyq áleýeti bar ári ekonomıkanyń tehnologııalyq jańǵyrtylýyna oń áser etetinderin ǵana Parkke jibere otyryp, jobalardy irikteýge egjeı-tegjeıli kelý kerektigin atap ótti.
Keńeste Parkti odan ári damytý jónindegi Memleket basshysy tapsyrmalarynyń oryndalýy, jańa obektilerdi salýǵa daıyndyq, «Arnaıy ekonomıkalyq aımaqtar týraly» Qazaqstan Respýblıkasy Zańynyń jańa redaktsııasyn qabyldaýmen baılanysty basqarý júıesin ózgertý barysy, sondaı-aq, uıymdastyrýshylyq sıpatyndaǵy basqa da máseleler talqylandy.
Keńeske qatysýshylar ınjenerlik jelilerdi jáne Parkte qalyptastyrylatyn ınnovatsııalardy generatsııalaý júıesiniń negizgi elementi bolatyn birqatar obektilerdi jobalaý jónindegi jumys barysy týraly habardar etti. Atap aıtqanda, Qazaq munaı jáne gaz ınstıtýty 7,2 ga aýmaqta ornalasatyn jáne ony damytýdyń jańa tujyrymdamasyn maquldaǵannan keıin Park aýmaǵynda paıdalanýǵa beriletin alǵashqy obekti bolatyn ǵylymı-zertteý keshenin qurýǵa josparlaýdy aıaqtady.
Qazaq-Brıtan tehnıkalyq ýnıversıtetiniń rektory Eskendir Beısembetovtyń aıtýynsha, Parkte stýdentterdi oqytý jáne olardyń turýy úshin barlyq qajetti ınfraqurylymmen 50 gektarǵa deıingi aýmaqta jańa kampýsty ornalastyrý josparlanyp otyr. Jańa kampýsty salý men jaraqtandyrýdyń quny 200 mıllıon AQSh doll. baǵalanyp otyr.
Data-ortalyqty jobalaýǵa daıyndyq týraly «Qazaqtelekom» AQ Prezıdenti Qýanyshbek Esekeev habarlady. «Zerde» ınfokommýnıkatsııalyq holdıngi de bolashaq ınfokommýnıkatsııalyq klasterdiń obektilerin pysyqtaýǵa kiristi.
Sóz sóıleýshiler Parkke jańa ınvestorlar men ınnovatsııalyq kompanııalardyń kelýi úshin qolaıly jaǵdaı jasaýǵa múmkindik beretin ınjenerlik kommýnıkatsııalar jelilerin salýdy jedel bastaý qajettiligin erekshe atap ótti.
Keńeste qajetti uıymdastyrýshylyq is-sharalaryn dáıekti iske asyrýdy kózdeıtin Aqparattyq tehnologııalar parkin odan ári damytý jónindegi operatsııalyq jospar usynyldy. Keńes qorytyndysy boıynsha vıtse-premer kezdesýge qatysýshylar aıtqan eskertýler men usynystardy eskere otyryp, atalǵan jospardy pysyqtaýdy tapsyrdy.
Barlyq múddeli memlekettik organdar men uıymdar arasynda jumysty úılestirý úshin osyndaı keńester aıyna bir ret ótkiziletin bolady.
