Áset Isekeshev «áke» atandy
ASTANA. QazAqparat - Elorda ákimi «Qurmetti Áke» ataǵyn aldy, dep habarlaıdy QazAqparat.
Astananyń ornyqty damýy jónindegi keńestiń birinshi otyrysy aıasyndaǵy jobalar kórmesinde «Ákeler odaǵy» qoǵamdyq birlestigi qala basshysyna tıisti gramotany tabystady.
«Ol óte ashyq adam jáne bizdiń bastamalar men jumystarǵa qoldaý bildirip keledi. «Qurmetti Áke» ataǵyn úlgi bolýǵa laıyq ákelerge tabystaımyz»,-dedi atalǵan birlestiktiń tóraǵasy Qýanysh Jumataev.
Qazirgi ýaqytta birlestikke barsha Qazaqstan boıynsha úlgili degen 60 áke enip otyr.
Aıta keteıik, búginde Astana ákimi Áset Isekeshev eki balanyń ákesi.
Budan buryn habarlanǵandaı, 2012 jyly Astana qalasynyń burynǵy ákimi Imanǵalı Tasmaǵambetov Ákeler odaǵynyń quramyna qabyldandy.
