Áset Erǵalıev ınvestıtsııa tartýdaǵy kóshbasshy óńirlerdi atady

NUR-SULTAN. QazAqparat – Qańtarda qurylys salasyna tartylǵan ınvestıtsııa 2,3 ese artty. Bul týraly búgin Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Ekonomıka salalarynyń kóbinde negizgi kapıtalǵa ınvestıtsııalar serpindi qarqynmen ósýde. Ken óndirý ónerkásibin esepke almaǵanda, ınvestıtsııalardyń ortasha ósýi 25,5 paıyzdy qurady. Investıtsııanyń aıtarlyqtaı ósýin qurylys – 2,3 ese, óńdeý ónerkásibi – 2,2 ese, aýyl sharýashylyǵy – 1,7 ese, kólik – 34, aqparat jáne baılanys – 25, jyljymaıtyn múlikpen operatsııalar – 18 paıyz deńgeıinde kórsetti», - dedi ol.

Mınıstrdiń aıtýynsha, ınvestıtsııalar boıynsha 13 óńir ósim kórsetti. Eń joǵary kórsetkishter Túrkistan oblysynda jáne Shymkent qalasynda tirkeldi.

«4 óńir tómendeý kórsetti. Olar Shyǵys Qazaqstan, Batys Qazaqstan, Atyraý jáne Mańǵystaý oblystary», - dedi Áset Erǵalıev.