Áset Erǵalıev 7 ekonomıkalyq kórsetkishte oń ósim kórsetken óńirlerdi atady
NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Áset Erǵalıev 7 ekonomıkalyq kórsetkishte oń ósim kórsetken óńirlerdi atady, dep habarlaıdy QazAqparat tilshisi.
«7 ekonomıkalyq kórsetkish boıynsha óńirler arasynda jalpy jaǵdaı mynadaı.
Barlyq kórsetkishter boıynsha oń ósý 7 óńirde – Almaty, Shyǵys Qazaqstan, Jambyl, Mańǵystaý jáne Pavlodar oblystarynda, sondaı-aq Shymkent jáne Nur-Sultan qalalarynda tirkeldi», - dedi mınıstr.
Onyń aıtýynsha, 6 kórsetkish boıynsha ósý 9 óńirde baıqalýda.
«Olar - Almaty qalasy, sondaı-aq Aqmola, Aqtóbe, Atyraý, Qaraǵandy, Qostanaı, Qyzylorda, Soltústik Qazaqstan jáne Túrkistan oblystary. Sonymen qatar, 5 kórsetkish boıynsha oń ósim Batys Qazaqstan oblysynda tirkelip otyr», - dedi Áset Erǵalıev.
