Ásem Orynbaı álem chempıonatynda besinshi oryn aldy
ASTANA. KAZINFORM — Stend atýdan Qazaqstan quramasynyń ókili Ásem Orynbaı Dohada (Qatar) ótip jatqan álem chempıonatynyń fınalynda óner kórsetti.
Otandasymyz «skıt» baǵdarlamasy boıynsha synǵa túsip, sheshýshi kezeńge shyqqan segiz sportshynyń arasynda besinshi orynǵa turaqtady.
Júldeli oryndardyń barlyǵyn Qytaı sportshylary ıelendi. Tszıan Itıng altyn medal jeńip alsa, Che ıÝıfeı kúmis júldeger atandy. Al Tszıan Chaoıýı qola medalǵa qol jetkizdi. Tórtinshi oryndy slovakııalyq Monıka Shtıbrava ıelendi.
Besinshi oryn alǵanyna qaramastan, Ásem Orynbaı Olımpıada normatıvin oryndady. 2028 jylǵy Olımpıada oıyndaryna irikteý kezeńiniń erejesine sáıkes, álem chempıonatynda ár jekeleı saıysta úsh joldama sarapqa salynady. Sonymen qatar bir el bir ǵana joldama ala alady.
Osylaısha, alǵashqy úsh oryndy Qytaı sportshylary ıelengendikten, qalǵan eki joldama Slovakııa men Qazaqstan ókilderine buıyrdy.
Aıta keteıik, Ásem Orynbaı ıelengen Olımpıada joldamasy ataýly emes.
Aıta ketelik Qazaqstan áıelder quramasy stend atýdan Azıa oıyndarynda kúmis júlde jeńip alǵan edi.
