Ásem Orynbaı álem kýbogynda altyn medal jeńip alyp, rekord ornatty
ALMATY.KAZINFORM - Almaty oblysyndaǵy Aleksandr Asanov atyndaǵy atý klýbynda jalǵasyp jatqan álem kýbogynda el qorjynyna alǵashqy júlde tústi. «Skıt» saıysynda synǵa túsken Ásem Orynbaı fınaldyq kezeńde qarsylastaryn artqa qaldyryp, chempıon atandy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Іrikteý kezeńinen súrinbeı shyqqan 8 sportshy fınalda birneshe aınalym boıy ózara saıysqa tústi. Nátıjesinde Ásem Orynbaı fınalda Qytaı sportshysy Jıang Itıngten basym tústi.
Júldegerler:
1-oryn. Ásem Orynbaı
2-oryn. Jıang Itıng (Qytaı)
3-oryn. Martına Bartolomeı (Italııa)
Ásem Orynbaı 2023 jyly da dál osy álem kýbogynda úzdik shyqqan edi. Odan bólek, otandasymyzdyń enshisinde álem chempıonatynyń qola júldesi jáne fınaldyq álem kýbogy, Azııa oıyndary, Azııa chempıonatynyń altyn júldesi bar.
Aıta keteıik, 43 elden 300-ge jýyq sportshynyń basyn qosqan álem kýbogy 10 mamyrǵa deıin jalǵasady.
Buǵan deıin Ásem Orynbaı stend atýdan álem kýbogynyń fınalyna shyqqanyn jazǵan edik.
