Ásem Mamaeva - Óskemen arýy atandy
TANA. 9 qarasha. QazAqparat - Óskemende «Qazaqstan arýy» ulttyq sulýlyq baıqaýynyń óńirlik kezeńi ótip, 2011 jylǵy qalanyń eń sulý qyzynyń esimi belgili boldy.
Shyǵystaǵy basty shahardyń eń sulý qyzy ataný úshin saıysqa 18 arý shyqty. Olar irikteý kezeńderi men synaqtardan súrinbeı ótip, aqtyq synǵa joldama alǵan bolatyn.
Fınalǵa shyqqan qyzdar óz ónerlerin ortaǵa salyp, ulttyq kıimde sán úlgilerin kórsetý arqyly saıysqa tústi. Qala ákimdiginiń, mádenıet basqarmasynyń ókilderi, tilshiler men demeýshilerden quralǵan tóreshiler alqasynyń sheshimimen 2011 jylǵy Óskemen qalasynyń arýy ataǵy Ásem Mamaevaǵa buıyrdy. Endi ol Óskemen qalasy atynan 6 jeltoqsan kúni Almatyda ótetin «Qazaqstan arýy» ulttyq sulýlyq baıqaýyna qatysady.
