Ásel Janasova poshta arqyly dári-dármek jetkizý tártibin túsindirdi

ASTANA. KAZINFORM - «Qazposhta» AQ basqarma tóraǵasy Ásel Janasova poshta qyzmeti arqyly dári-dármek jetkizý tártibine qatysty túsinik berdi.

Onyń aıtýynsha, bul jumystar «SQ-Farmatsııa» jáne Densaýlyq saqtaý mınıstrligimen birlese pysyqtalǵan.

- «Qazposhta» Qazaqstan boıynsha eń iri logıstıkalyq tasymaldaýshy sanalady. Bul turǵyda taýarlardy saqtaýǵa arnalǵan aýqymdy qoımalar bar. Elimizdiń oblystarynda úlken qoımalar jasaqtalǵan. Sonymen qatar, zatty úıge deıin jetkizetin poshta qyzmetkerleri jumys istep jatyr. Endi bizge dári-dármekti jetkizý de qomaqty tabystyń joly. «SQ-Farmatsııa» bizge qaı dárini jetkizýdi tapsyrsa, ony naqty mekenjaıǵa jetkizemiz. ıAǵnı bul dári-dármekti múmkindigi shekteýli jandar, úıden shyǵa almaıtyn qarttar qalaı alady? Osy adamdar kóbine emhanaǵa bara almaıdy. Sondyqtan dári-dármekti úılerine deıin jetkizýdi usynyp otyrmyz, - Á.Janasova.

Bul turǵyda ol «Qazposhta» qazir zeınetaqyny, járdemaqyny jetkizetinin eske saldy.

- Úıden shyǵa almaıtyn 1 mln klıentimiz bar. Solar úshin dári-dermekti de jetkizý, sonyń lıtsenzııasyn alý búgin talqylanǵan zań jobasynda eskerilgen, - dedi «Qazposhta» basshysy.

Budan buryn habarlanǵandaı, búgin Májilistiń jalpy otyrysynda «Poshta týraly» Zańyna ózgerister men tolyqtyrýlar engizý týraly» zań jobasy birinshi oqylymda maquldandy.