Ásel Toqtasyn bokstan álem kýbogi kezeńiniń júldegeri atandy

ASTANA. KAZINFORM – Bokstan Qazaqstan quramasynyń ókili Ásel Toqtasyn Delı (Úndistan) qalasynda ótip jatqan álem kýboginiń fınaldyq kezeńin qola medalmen aıaqtady.

Otandasymyz týrnırdi 80 keliden joǵary salmaqta jartylaı fınaldan bastady. Ásel bul kezeńde Ózbekstan ókili Oltına Sotımboevamen kezdesti.

Jekpe-jek qorytyndysy boıynsha ózbekstandyq boksshy jeńiske jetti. Al Toqtasyn álem kýbogin qola medalmen aıaqtady.

Úndistan astanasy Nıý-Delı qalasynda World Boxing aıasynda ótip jatqan bokstan álem kýboginde 18 qarashada el quramasynan kimder sharshy alańǵa shyǵatynyn jazǵan bolatynbyz.

Aıta ketsek, 17 qarashada el quramasynan Nurbek Mursal (70 keli) jeńiske jetse, Nursultan Altynbek (55 keli), Aman Qonysbekov (75 keli), Bekzat Tańatar (90 keli), Nurzat Ońǵarov (50 keli) qarsylastaryna ese jiberdi.

Bedeldi báseke 16-20 qarasha aralyǵynda ótedi. Oǵan Qazaqstan atynan erler quramasynan 8, al áıelder quramasynan 5 sportshy qatysýǵa múmkindik aldy.

Álem kýbogi úsh kezeńnen turady. Alǵashqy kezeńi sáýir aıynda Brazılııanyń Fos-dý-Igýasý qalasynda bolsa, odan keıin shilde aıynda Astana da jalaýyn kóterdi.

Birinshi kezeńde otandastarymyz 3 altyn, 3 qola alsa, ekinshi kezeńde 8 altyn, 2 kúmis, 5 qola júldege qol sozdy.