Ásel Serikbaı shahmatshylar Olımpıadasyna joldama aldy
QYZYLORDA. QazAqparat - Shýchınsk qalasynda 8-18 jas aralyǵyndaǵy jasóspirim uldar men qyzdar arasynda ótken shahmattan Qazaqstan chempıonatynda syrboıylyqtar 14 medal ıelendi.
Onyń 6-ýy altyn, 6-ýy kúmis, 2 - ýi qola medal. Bul týraly QazAqparat HAA tilshisi oblystyq dene shynyqtyrý jáne sport basqarmasyna silteme jasap habarlady.
Klassıka jáne rapıd túrleri boıynsha Ásel Serikbaı men Sultan Amanjol eki birinshi oryndy jeńip alsa, blıtste Samal Ábdýálı men Nazerke Nurǵalı altyn medal ıegeri atandy. 
Nazerke Nurǵalı men Meıirjan Barmaǵanbetov klassıkadan ekinshi bolsa, Samal Ábdýálı, Nazerke Nurǵalı rapıdte, Ásel Serikbaı men Aqyljan Meıirhanuly blıtste kúmis júldeni ıelendi. Saqypjamal Barmaǵanbetova rapıdte, Hantáńiri Jappar blıtste úshinshi orynǵa taban tiredi.
Jarys qorytyndysy boıynsha Á.Serikbaı Álem, Azııa chempıonattaryna jáne Olımpıadaǵa, S.Amanjol Álem chempıonatyna jáne N.Nurǵalı, M.Barmaǵanbetova Azııa chempıonatyna joldama aldy. 
