Ásel Saǵatova, Aıdyn Aıymbetov «Qazaqstan Arýy-2015» baıqaýynda qazylyq etpek (FOTO)
ASTANA. QazAqparat - Astanada 10 jeltoqsan kúni jyl saıynǵy ulttyq «Qazaqstan Arýy-2015» baıqaýy ótedi.
Oǵan Qazaqstannyń ár óńirinen 30 arý qatysady. Olardyń ishinde oqýshy qyzdar, memlekettik qyzmetkerler, bir jýrnalıs, halyqaralyq zańger, kásipkerler de bar. Degenmen olar osynaý joǵary deńgeıdegi baıqaýǵa baqtaryn synaýǵa kelgen.
Baıqaýdyń ádil ári ashyq ótýi úshin elimizdiń eń sulý arýyn qazaqstandyqtardyń ózderi, onlaın jáne SMS daýys berý arqyly tańdaı alady. Aıta ketý kerek, aldymen eń úzdik úshtikti qazylar alqasy anyqtaıdy.
«Men qazylar alqasyna taǵaıyndalǵan adamdardyń esimin jarııalaǵym keledi - olar elimizdiń tanymal ári qurmetti azamattary: Qazaq ulttyq óner ýnıversıtetiniń rektory Aıman Musaqojaeva, «Astana» fýtbol klýbynyń bas menedjeri Qaısar Bekenov, ǵaryshker Aıdyn Aıymbetov jáne aktrısa Ásel Saǵatova. Bıyl baıqaýda eń bedeldi qazylar alqasy tórelik etetin bolady. Ol kisilerdi barsha Qazaqstan tanıdy», - deıdi baıqaýdyń júrgizýshisi Dınara Satjan Astanada ótken baspasóz máslıhatynda.
Sonymen qatar qazylar qatarynda «Mıloserdıe» qaıyrymdylyq qorynyń dırektory Arýjan Saın, veloshabandoz Aleksandr Vınokýrov, «Astana Jastary» jastar ortalyǵynyń basshysy Ánýar Nupeıisov, «Altyn Orda» avtorlyq dızaın úıiniń etno-dızaıneri Yrza Tursynzada jáne «Qazaqstan Arýy» baıqaýynyń prezıdenti Alena Rıvlına-Kyrbasova bar.
2015 jyly uıymdastyrýshylar baıqaýda naǵyz shoý bolady dep ýáde berýde. Bas rejısser retinde jas akter ári rejısser Maksım Akbarov tańdalypty.
Baıqaýdyń saltanatty rásimin tanymal telejúrgizýshi Dınara Satjan men jas akter Táýekel Músilim júrgizedi.
Aıta ketken jón, jeńimpaz «Qazaqstan Arýy-2015» ataǵyna ıe bolyp qana qoımaı, 5 mıllıon teńgeni de oljalaıdy.
Byltyr, «Qazaqstan Arýy-2014» baıqaýynda 22 jasar Regına Vandysheva jeńimpaz atanǵan edi.
