Ásel Sádýaqasova koronavırýs juqtyrdy
NUR-SULTAN. QazAqparat – Qazaqstandyq aktrısa, ánshi ári prodıýser Ásel Sádýaqasovadan koronavırýs anyqtaldy. Bul týraly ol Instagram paraqshasynda jazdy.
«Men aýyryp qaldym. Sońǵy sátke deıin saýmyn dep oılap edim, biraq aralasatyn adamdardyń kóbi aýyryp jatqanda saý qalý qıyn eken. Saqtanyńyzdar! Kim nıettes bolsa, men úshin duǵa tileńizdershi?! Alda jaǵdaı qalaı bop jatqanyn jazyp otyram. Bul úıde otyryp, ózin qorǵaýǵa shaqyrǵan jazba. Men sekildi ońdy-soldy shyǵa bermeńizder» dep jazdy ol.
Esterińizde bolsa, naýryz aıynyń ortasynda «aktrısa koronavırýs juqtyryp aldy» degen sybys shyqqan. Alaıda keıin Ásel Sádýaqasova bul habardy joqqa shyǵarǵan bolatyn.
