Ásel Qanaı: Fınaldyq jekpe-jek qıyn ári emotsııaǵa toly boldy
TOIOHAShI. KAZINFORM – Qazaqstandyq karateshi Ásel Qanaı Japonııadaǵy jazǵy Azııa oıyndarynda jeńis tuǵyrynan kórinip, kúmis medal enshiledi. Jarystan keıin sportshy Kazinform tilshisine fınaldyq aıqasy jáne aldaǵy josaprlary týraly aıtyp berdi.
Sportshy aqtyq báseke ońaıǵa soqpaǵanyn jasyrmady.
- Búgin sáttilik jetispedi, babym men baǵym kelispegen shyǵar. Ókinishke oraı qytaılyq qyz jeńiske jetti. Jalpy, fınaldyq jekpe-jek emotsııanaldy túrde qıyndyqqa toly boldy. Jarystan tamasha áser aldym, jylap ta aldyq. kúlip te aldyq,- dedi Ásel Qanaı.
Qazaqstandyq karateshi búgingi kezdesýdiń qalaı ótkenin aıtyp berdi.
- Qytaı qyzymen birneshe ret aıqastym. Biz bir-birimizdi óte jaqsy bilemiz, ol da maǵan qarsy jaqsy daıyndalǵanyn baıqadym. Sońǵy ret Azııa chempıonatynda ony jeńgen edim. Búgin de ony jeńetinime senimdi boldym. Alaıda, tóreshiler sheshimimen kúmis júlde buıyrdy,- dedi ol.
Ásel Qanaı aldaǵy dodalarda el namysyn abyroımen qorǵaýdy josparlap otyrǵanyn tilge tıek etti.
- Alda Astanada Qazaqstan chempıonaty bar, odan keıin kelesi jyly álem chempıonaty kele jatyr. Elime altyn medal syılaımyn dep úmittenemin,- dedi sportshy.
Osyǵan deıin habarlaǵanymyzdaı, Ásel Qanaı áıelder arasynda 61 kg salmaqta kýmıte baǵdarlamasynda qytaılyq Gýn Lıǵa 8:2 esebimen jeńilip, kúmis júlde enshiledi.
Otandasymyz shırek fınalda mońǵolııalyq Pýrevjav Maraljıngoony 9:1 esebimen jeńse, jartylaı fınalda kambodjalyq Van Chakrııany 3:0 esebimen qapy qaldyrdy.
