Ásel Qanaı Azııa oıyndarynyń altyn júldesine talasady
NAGOıA.KAZINFORM — Qazaqstandyq karateshi Ásel Qanaı Japonııada ótip jatqan jazǵy Azııa oıyndarynyń aqtyq synyna joldama aldy.
Otandasymyz áıelder arasynda 61kg salmaqta karateden kýmıte baǵdarlamasy boıynsha fınalǵa ótti.
Qazaqstandyq sportshy shırek fınalda mońǵolııalyq Pýrevjav Maraljıngoony 9:1 esebimen jeńse, jartylaı fınalda kambodjalyq Van Chakrııany 3:0 esebimen qapy qaldyrdy.
Ásel Qanaı 2022 jylǵy Hanchjoý Azııa oıyndarynyń qola júldegeri, eki dúrkin Azııa chempıonatynyń chempıony.
Aıta keteıik, erler arasyndaǵy kýmıte baǵdarlamasynda Oljas Altynbek (-67 kg) alǵashqy jekpe-jeginde jeńiske jetti. Alaıda, sportshy shırek fınalda ıordanııalyq Abdelrahman Al-Masatfaǵa jol berdi.
Osyǵan deıin habarlaǵanymyzdaı, Jolaman Bıǵabyl karateden Azııa oıyndarynyń chempıony atandy.
Sonymen qatar, karateshi Sofıa Berýltseva Qazaqstan qorjynyna Azıadanyń tórtinshi altynyn saldy.
