Ásel Qalyqova: Ujymdyq ımmýnıtet qalyptastyrýdyń eń tıimdi joly - vaktsına
ALMATY. QazAqparat – Almaty qalasy Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda qabyldanǵan sanıtarlyq-epıdemıologııalyq sharalardyń, sondaı-aq jappaı vaktsınatsııanyń arqasynda syrqattanýshylyqty edáýir tómendetýge bolatynyn aıtty, dep habarlaıdy QazAqparat tilshisi.
Epıdemıolog Ásel Qalyqova COVID-19-ǵa qarsy ujymdyq ımmýnıtetti adamdarǵa koronavırýstyń áser etýimen emes, vaktsınatsııa arqyly qorǵaýdy qamtamasyz etý kerektigin atap ótti. Sondyqtan koronavırýspen aýyrǵannan keıin paıda bolǵan antıdenelerge úmittenýdiń qajeti joq, baryp, vaktsına saldyrý kerek.
«Koronavırýs aýrýynan keıingi ımmýnıtet kóptegen erekshelikterge ıe jáne adamnyń jeke ımmýnıtetine baılanysty. Adamnyń aýyryp, odan emdelgeni onyń ımmýnıtetiniń qorǵalǵanyn bildirmeıdi. Kovıdtiń kez kelgen formasymen aýyryp, jazylsa da, onyń aǵzasyndaǵy antıdeneler azaıǵan kezde ol qaıtadan juqtyryp alýy múmkin. Sondyqtan vaktsınatsııa máselesine barynsha baıyppen qaraý kerek», - dedi ol.
Sonymen qatar, ol koronavırýsqa qarsy vaktsınatsııa óte qajet ekenin jáne biz onyń oń nátıjesin keıbir elderdiń mysalynda kórip otyrǵanymyzdy aıtty. Izraılde, Ulybrıtanııada.
«ıAǵnı, biz vaktsınatsııadan ótken elderdiń mysalynda aýrý men ólim - jitimniń aıtarlyqtaı tómendegenin kóre alamyz, demek, ujymdyq ımmýnıtetke qol jetkizýdiń bul ádisi óte tıimdi», - dep túsindirdi epıdemıolog.
Onyń aıtýynsha, qabyldanǵan sanıtarlyq-epıdemıologııalyq sharalardyń, sondaı-aq jappaı vaktsınatsııanyń arqasynda syrqattanýshylyqty edáýir tómendetýge bolady.
«Kóptegen almatylyqtar vaktsınanyń eki komponentin de aldy. Vaktsınalaýdyń belsendi qarqyny saqtalǵan jaǵdaıda megapolıs turǵyndarynda ujymdyq ımmýnıtet qalyptasady. Men almatylyqtardy vaktsına alýǵa shaqyramyn»,- deıdi ol.
