Ásel Dalıeva toǵyzqumalaqtan 12 dúrkin álem chempıony atandy

ASTANA. KAZINFORM – Túrkııanyń Ankara qalasynda toǵyzqumalaqtan VІI álem chempıonaty máresine jetti.

Toǵyzqumalaqtan memlekettik jattyqtyrýshy Dáýlet Ábdikárimovtiń málim etkenindeı, dúnıejúzilik dodaǵa AQSh, Majarstan, Ispanııa, Grýzııa, Qyrǵyzstan, Latvııa, Mońǵolııa, Ózbekstan, Rýmynııa, Túrkııa, Chehııa, Frantsııa, Ýkraına jáne Qazaqstannan 100-ge jýyq sportshy qatysyp, baq synady.

Jarys toǵyzqumalaqtyń klassıka, rapıd jáne shapshań túrleri boıynsha ótkizilip, 6 jıyntyq júlde sarapqa salyndy. 

Myna sportshylar álem chempıonatynyń júldegerleri qatarynan kórindi. 

Klassıka/erler:

I.Asylhan Qojanásip (Qazaqstan),
II.Beksultan Bostandyqov (Qazaqstan),
III.Syrttan Syrǵaquly (Qyrǵyzstan),
III.Marlıs Dýlatbekov (Qyrǵyzstan).

Klassıka/áıelder:

I.Ásel Dalıeva (Qazaqstan),
II.Móldir Serikqyzy (Qazaqstan),
III.Adına Aseeva (Qyrǵyzstan),
III.Azıza Jamansartova (Qyrǵyzstan).

Rapıd/erler:

I.Ǵalymjan Temirbaev (Qazaqstan),
II.Erasyl Aýtalıpov (Qazaqstan),
III.Anarbek Djamekeev (Qyrǵyzstan),
III.Belek Abdrashıtov (Qyrǵyzstan).

Rapıd/áıelder:

I.Ásel Dalıeva (Qazaqstan),
II.Aıana Isahan (Qazaqstan),
III.Aıturǵan Maqsatqyzy (Qyrǵyzstan),
III.Karına Alekseıeva (Latvııa)

Blıts/erler:

I oryn – Rınat Kereıbaev (Qazaqstan)
II oryn – Ermuhamed Alaıdar (Qazaqstan)
III oryn – Arystan Manarbekuly (Qazaqstan)
III oryn – Janbaý Dıas (Qazaqstan)

Blıts/áıelder:

I.Saltanat Saparbekova (Qazaqstan),
II.Aqerke Kenjebekova (Qazaqstan),
III.Ásel Dalıeva (Qazaqstan),
III.Ańsaǵan Qojanásip (Qazaqstan).

Ásel Dalıeva óziniń sporttyq jolynda toǵyzqumalaqtyń klassıka, rapıd jáne blıts túrin qosqanda, 12 dúrkin álem chempıony atandy. 

«Ankara qalasynda toǵyzqumalaqtan álem chempıonaty joǵary deńgeıde uıymdastyrylǵan. Bir aı boıy elde daıyndalyp kelgen edim. Qyzyqty da tartysty ótken birinshilikte úzdik shyqqanyma qýanyshtymyn», - dedi Á.Dalıeva.

Komandalyq eseptiń nátıjesinde Qazaqstan quramasy 6 altyn, 6 kúmis, 4 qola aldy. Qyrǵyzstan 7, Latvııa 1 qola júldege ıe boldy.

Eske sala keteıik, budan buryn Chehııada toǵyzqumalaqtan álem kýbogynyń jeńimpazdary anyqtalǵanyn jazǵan edik.