Asbestpen jumys isteý kezinde týyndaıtyn densaýlyqqa qaýipti faktorlardyń aldyn alýǵa qatysty Konventsııa zań túrinde bekitilmek
ASTANA. Qazannyń 13-i. QazAqparat - Úkimetten Májiliske «Asbestti paıdalaný kezinde eńbekti qorǵaý týraly konventsııany (162-konventsııa) ratıfıkatsııalaý týraly» zań jobasy kelip tústi. Búgin Palatanyń jalpy otyrysynda qorytyndy ázirleý merzimin belgileý jóninde másele qaraldy.
Qazaqstan Respýblıkasy Halyqaralyq eńbek uıymyna (HEU) múshelikke kire otyryp, HEU-nyń Jarǵysyna bekitilgen qaǵıdattar men quqyqtardy moıyndady, ári osy uıymnyń barlyq maqsattaryna qol jetkizýge mindettendi. Bul qaǵıdattar men quqyqtar HEU-nyń tıisti konventsııalarynda óz kórinisin jáne damýyn tapty.
Halyqaralyq Eńbek konferentsııasynyń 86-sessııasynda 1998 jylǵy 18 maýsymda Jenevada qabyldanǵan eńbek salasynyń negizin qalaýshy qaǵıdattar men quqyqtar týraly HEU-nyń Deklaratsııasynda barlyq múshe memleketterdiń asbestti paıdalaný kezinde eńbekti qorǵaý negizin qalaýshylardyń biri bolyp tabylatyn quqyqtarǵa qatysty qaǵıdattardy saqtaý jáne paıdalanýǵa járdemdesý bóliginde HEU-na olardyń músheligi faktisinen týyndaıtyn mindettemeleri bar dep bekitilgen.
Atalǵan konventsııany qabyldaǵan sátten bastap 32 memleket ratıfıkatsııalanady.
Konventsııanyń erejeleri jumys protsesinde qyzmetkerlerge asbesttiń áserimen baılanysty qyzmettiń barlyq túrlerin qamtıdy.
Konventsııa qyzmetkerler asbestpen jumys isteý kezinde týyndaıtyn densaýlyqqa qaýipti áser etetin faktorlardyń aldyn alý, baqylaý jáne qorǵaý sharalaryn belgileıtin normalar men erejelerdi zańnamalyq deńgeıde belgileýge baǵyttalǵan.
Árbir jumys berýshi kásiporynda jumys isteıtinderge asbest áseriniń aldy alý jáne baqylaý, sondaı-aq asbestpen jumys kezinde týyndaıtyn zııandy faktorlardan qorǵaný jóninde praktıkalyq sharalardyń ázirlenýi jáne júzege asyrylýy úshin jaýapty bolady.
Atalǵan Konventsııany ratıfıkatsııalaý memlekettik bıýdjetten qarjy shyǵyndaryn talap etpeıdi. Bul zań jobasy boıynsha Májilistiń Halyqaralyq ister, qorǵanys jáne qaýipsizdik komıteti jumys tobyn quryp, qorytyndy ázirleıdi.
