Qazaqstan aýmaǵynan temirjol arqyly janarmaı shyǵarýǵa nege tyıym salyndy

ASTANA. KAZINFORM – Energetıka mınıstri Almasadam Sátqalıev BAQ ókildermen ótken baspasóz máslıhatynda elden temirjol arqyly janarmaı shyǵarýǵa nege tyıym salynǵany túsindirdi.

- Bizde ótken jyldyń qorytyndysy boıynsha tapshylyq bar. Sol úshin jyl saıyn Reseımen ındıkatıvti balanys ornatyp kelemiz. Osynyń arqasynda munaı ónimderiniń belgili bir kólemin bajsyz ákelip, ishki qajettilikti jaba alamyz. Búgingideı shekteýlerdi engizý arqyly «sury eksport» kóleminiń qansha bolatynyn naqty kórýge bolady. Buǵan deıin avtokólikpen syrtqa áketýge qoıylǵan shekteý janarmaı qoryn 20 kúnnen 45 kúnge deıin tikeleı arttyrǵan. ıAǵnı, bul osynsha kólem «sury eksport» retinde ketip otyrǵan degen sóz. Temirjolmen syrtqa shyǵarýǵa qoıylǵan shekteý de osyndaı áser týǵyzady dep kútip otyrmyz, - dedi mınıstr.

Almasadam Sátqalıev bul jolǵy shekteý kóktemgi egis jumystaryna qajetti janarmaıdyń qoryn jınaqtaýǵa septigin tıgizetinin de atap ótti. 

Eske salsaq, úkimettiń keńeıtilgen otyrysynan keıin aqpan aıynan bastap benzın, dızel, suıytylǵan gaz baǵasy ósetini málim bolǵan edi.