«Asar-Úme» qaıyrymdylyq qorynyń jetekshisi: senimge qatty soqqy boldy

ASTANA. KAZINFORM — BIZDIÑ ORTA podkastynda qaıyrymdylyq jasaý máselesi sóz boldy. Suhbat qonaqtarynyń biri «Asar-Úme» qaıyrymdylyq qorynyń jetekshisi Ashat Nurmashev qaıyrymdylyq qor qyzmetiniń qazirgi hálin sóz etti.

— Qazir bizdiń salamyzǵa ońaı kez emes. Jyl basynan beri biz halyqpen birge, janashyrlarmen birge 72 otbasyǵa baspana berdik, 12 óńirde 50 balany oqytyp jatyrmyz. Týra osy merzimde 2024 jyly biz 150 otbasyǵa baspana bergen edik. Óıtkeni, aqsha, qarajat máselesi ol bir, senimge qatty soqqy boldy, — dedi Ashat Nurmashev áńgime barysynda.

Odan ári spıkerge kómekke rasymen muqtaj jandy qalaı ajyratasyzdar degen saýal qoıyldy. 

— Eń mańyzdy jumys osy sátten bastalady, óıtkeni, kóbisi 4-5 adam birigip, targetıng, storısqa salyp jiberedi, sonymen jumys bitedi dep oılaıdy. Eń bastysy ajyratý kerek laıyqty otbasy ma? alaıaq emes pe? Óıtkeni, ondaı jaǵdaı bolǵan, mysaly, kóp adam kórýi múmkin saıajaıda turyp jatyr dep, soǵan qarap jany ashyp, kómek bere bastaıdy. Biz osy salada 5-6 jyl júrmiz, otbasyny tereń tekseremiz. Óıtkeni, keıbir otbasyny kórgenbiz ádeıi, qarajat jınaý úshin qulaǵaly turǵan úıge 1-2 aıǵa kirýi múmkin. Endi jaqsy ómirden emes, sonda da 2-3 aı buryn ondaı jaǵdaıda turmaǵan, ádeıi osyndaı úılerdi jalǵaıdy, eriktilerdi, qorlardy shaqyra bastaıdy. Meniń jaǵdaıym osyndaı, 4-5 balam bar deıdi, biz sonyń bárin tekseremiz. Qujatty ǵana emes, polıtsııa ýchaskesine baramyz, kórshiler kóp nárseni biledi, sosyn dúkennen ne alady, qaryzy bar ma, sol kezde kartına qalyptasady. Biz birneshe ret ınflıýenserlermen basqa qalalarǵa bardyq, eriktilerdiń aıtýynsha qaǵazda mynadaı málimet, biz keldik jaǵdaı basqasha, — deıdi ol.

Budan buryn «Yryskeldi qajy» meshitiniń Bas ımamy Nurlan qajy Baıjigituly BIZDIÑ ORTA podkastinde jyn shyǵarý, hıdjama sııaqty joralǵylardyń densaýlyqqa zııandy bolýy múmkin ekenin eskertti.