Asar Baspana qarjy pıramıdasynyń isi boıynsha 17 adam sottaldy
ASTANA. KAZINFORM – Almatyda «Asar Baspana» qarjy pıramıdasyn uıymdastyrýshylarǵa sot úkimi shyqty.
Tergeý barysynda Týǵanbaev N.M. bastaǵan toptyń aı saıyn 30 paıyzǵa deıin tabys túsetinin aıtyp, 90 myńǵa jýyq azamattan jalpy somasy 25 mlrd teńge jınaǵany anyqtaldy.
Sottalǵandar salymshylardy aldap, qurylys materıaldaryn óndiretin kásiporyn jumys istep turǵanyn, tigin tsehy, turmystyq jáne medıtsınalyq tehnıka shyǵaratyn zaýyt bar ekenin aıtqan. Іs júzinde ónimder basqa jetkizýshilerden satyp alynyp, olarǵa «Asar Baspana» tańbasy japsyrylǵan.
Azamattardyń qarjy pıramıdasyna degen senimi tómendeı bastaǵan kezde uıymdastyrýshylar avtodúkender iske qosylǵany jáne dılerlermen áriptestik ornatylǵany týraly jalǵan aqparat taratqan. Al shyn máninde avtokólikter salymshylardyń aqshasyna satyp alynyp, uıymdastyrýshylardyń týystarynyń atyna rásimdelgen.
Sot úkimimen Týǵanbaev N.M. 8 jylǵa bas bostandyǵynan aıyryldy. Úsh uıymdastyrýshynyń árqaısysyna 7 jyl bas bostandyǵynan aıyrý jazasy taǵaıyndaldy. Óńirlerdegi on úsh basshyǵa 5 jyl bas bostandyǵynan aıyrý jazasy shartty túrde taǵaıyndaldy.
Sonymen qatar, tyıym salynǵan jalpy quny 5,6 mlrd teńgeniń aktıvteri jábirlenýshilerge keltirilgen zalaldy óteýge jumsalady. Qalǵan múlik memleket kirisine ótkiziledi.
Úkim zańdy kúshine engen joq.
Eske salsaq «Asar Baspana» qarjy pıramıdasy 86 myńnan astam azamattan 12,4 mlrd teńge tartqan.
Aıta ketelik 25 mlrd teńge salynǵan Asar Baspana qarjy pıramıdasynyń isi sotqa jiberilgen edi.
