Asanáli Áshimovtiń «Árýaq» fılmi Eýrazııa kınofestıvalin ashady
Bul týraly QR Mádenıet jáne sport mınıstri Arystanbek Muhamedıuly halyqqa esep berý kezdesýinde habarlady.
"Otandyq fılmderge erekshe kóńil aýdarýymyz kerek, bul baǵytta mınıstrlik aýqymdy jumystar atqaryp keledi. Biz óz tarıhymyz týraly fılm túsirdik. Osylaısha biz týraly, bizdiń tarıhymyz týraly túsirilgen las fılmder aǵynyn toqtata aldyq. Sońǵy 3-4 jylda Reseımen birlesip "28 panfılovshy" kartınasyn, "Almas Qylysh", "Anaǵa aparar jol", "Qunanbaı", "Amanat", Azııanyń úzdik kartınasy atanǵan "Oralman" fılmderi túsirildi. Bıylǵy Eýrazııa kınofestıvali Asanáli Áshimovtiń "Árýaq" fılmimen ashylady", - dedi mınıstr halyqqa esep berý kezdesýinde.
Mınıstrdiń aıtýynsha, jyl sońyna deıin "Balýan Sholaq", "Árýaq" fılmderi jáne anımatsııalyq "Kúltegin", "Muzbalaq" jobalary qazaqstandyq kınoprokatqa shyǵady.
Sonymen birge, qyrkúıek aıynda Qazaqstan men Qytaı kınematografısteriniń tuńǵysh birlesken jobasy - «Kompozıtor» fılmi álemdik prokatqa shyǵady.
