Asanáli Áshimov sóziniń burmalanǵanyna ókpeli
ASTANA. QazAqparat - Asanáli Áshimov óziniń "Ókinish" fılmindegi róline qatysty sózin jýrnalıster burmalady dep málimdep otyr.
Eske sala ketelik, akterdiń gazetke bergen suhbatynda atalǵan kınotýyndyǵa qalaı tap bolǵanyn bylaı túsindirgen edi: "Ol bylaı boldy. Qaırattyń sheshesi óte pysyq adam eken. Maǵan kelip: «Asanáli aǵa, myna balama bata berseńiz», - dedi. - E, bersem bereıin dep az sózben tilegimdi aıttym. Apparatýrasymen túsirip jatqan. Otbasynyń sharýasy shyǵar dedim de qoıdym. Sony fılmge kirgizip jiberipti ǵoı. Áıtpese, Qaırat Nurtas arqyly atymdy shyǵaryp qaıteıin".
Biraq, Asanáli Áshimov "Hıt TV" arnasyna joǵaryda aıtylǵan sózdiń jalǵan ekenin aıtqan:
"Gazetter bolmaǵan nárseni jazyp jatqanyna men qarsymyn", - deıdi ardager akter. Qaırat Nurtas ta, onyń prodıýser-anasy Gúlzıra Aıdarbekova da jýrnalısterdiń rastalmaǵan aqparatty taratqanyna narazylyqtaryn bildirip otyr, dep jazady kinostan.kz.
"Hıt TV" arnasy osy máseleniń aq-qarasyn anyqtap kórgen eken. Telearna jasaǵan sıýjetti usynamyz:
