Asanáli Áshimov qazaqstandyqtardy saılaýda belsendi bolýǵa shaqyrdy

ALMATY. KAZINFORM - KSRO Halyq ártisi, akter, rejısser Asanáli Áshimov qazaqstandyqtardy saılaýda belsendi bolýǵa shaqyrdy, dep habarlaıdy QazAqparat tilshisi.

«Búgin - ulttyq mereke. Osy aıtýly merekemen barsha qazaqstandyqtardy quttyqtaımyn. Árbir azamattyń tańdaý múmkindigi bar. Barlyq partııa birdeı. Ár partııada meniń kórermenim bar. Men kózimdi jumyp turyp óz tańdaýymdy jasadym. Men partııalardy bólip-jarmaımyn. Sondyqtan Májiliske halyqtyń ıgiligi úshin jumys jasaıtyn adal jáne bilimdi adamdar kelse qýanamyn. Men halyq ártisimin jáne árdaıym halqymdy qoldaımyn», - dedi Asanáli Áshimov.

Sonymen qatar, ol halyqty daýys berýge jáne azamattyq boryshyn óteýge shaqyrdy.

«Saılaýǵa kelińizder, daýys berińizder. Bul mańyzdy. Ár azamat kelýge mindetti», - dep qosty ol.