Asanáli Áshimov «Dostastyq juldyzdary» memleketaralyq syılyǵymen marapattaldy
MÁSKEÝ. 23 sáýir. QazAqparat /Narymbek Ysmaǵulov/ - Máskeýde 2010 jylǵy «Dostastyq juldyzdary» memleketaralyq syılyǵynyń laýreattaryn marapattaý rásimi bolyp ótti.
22 sáýirde ótkizilgen saltanatty sharaǵa TMD elderiniń tanymal óner jáne mádenıet qaıratkerleri, RF birqatar joǵarǵy memlekettik organdarynyń basshylyǵy qatysty.
Saltanatty sharanyń ashylý rásiminde RF Prezıdenti Ákimshiliginiń jetekshisi Sergeı Naryshkın atap ótkendeı, syılyq ǵylym men bilim, óner men mádenıet, gýmanıtarlyq qyzmettegi jetistikter úshin tapsyrylady. Onyń ústine jetistikter álemdik deńgeıge saı kelip, TMD-ǵa qatysýshy árbir eldiń damýyna ǵana emes, jalpy Dostastyqtyń damýyna yqpal etýi tıis.
Qazaqstannyń teatr jáne kıno ártisi, KSRO men QazSSR halyq ártisi, rejısser Asanáli Áshimovke syılyqty TMD-ǵa qatysýshy memleketter gýmanıtarlyq yntymaqtastyǵynyń memleketaralyq qorynyń basqarma tóraǵasy Polad Bıýlbıýl oǵly tabys etti.
