Asad úshinshi dúnıejúzilik soǵystyń seziletindigin aıtty
ASTANA. QazAqparat - Úshinshi dúnıejúzilik soǵys bolatyny seziledi. Mundaı pikirdi Sırııa prezıdenti Bashar Asad www.kp.ru saıtyna bergen suhbatynda aıtty.
«Qazirgi tańda órshý satysyndaǵy «qyrǵı qabaq soǵysyna» uqsas jaǵdaıdy baıqap otyrmyz», - dedi ol, óz elindegi qarsylyqtyń kúsheıýimen baılanysty oqıǵalardy meńzep.
Onyń sózine qaraǵanda, ázirge tikeleı áskerı qaqtyǵystar joq. «Alaıda áskerı, lańkestik jáne saıası turǵyda bar», - dedi Asad. Ol qazir Sırııa «bul soǵystyń bir bóligi ǵana» ekenin aıtty.
Asadtyń pikirinshe, Batys jáne negizinen AQSh KSRO qulaǵannan keıin de «qyrǵı qabaq soǵysty» toqtatpady. Qazir Vashıngtonnyń basty maqsaty - «álemdegi amerıkalyq ústemdikti saqtap qalý, saıası nemese halyqaralyq arenada eshkimniń seriktes bolýyna jol bermeý».
Asad elde zańdy negizde júrgen Reseı, Iran jáne «Hezballa» sheıit qozǵalysy Sırııanyń turaqty odaqtastary ekenin aıtty. «Olar lańkesterge qarsy soǵysyp jatyr, alaıda terrorshylardy qoldaý maqsatynda aralasyp jatqan ózge elder de bar», - dep atap ótti prezıdent.
