Asabalyqpen aınalysyp júrgen Somalı azamaty deportatsııalanýy múmkin

ORAL. QazAqparat - Batys Qazaqstan oblysynda Somalıden kelgen tamada ustaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, 25 jastaǵy sheteldik Aqtóbeden Oral qalasyna barar jolda, Syrym aýdanynda qolǵa túsken. Sheteldik azamat Almaty qalasyndaǵy joǵary oqý oryndarynyń biriniń stýdenti bolyp shyqty. Onyń aıtýynsha, Qazaqstanda 2019 jyldan beri turady. Almatydaǵy JOO-da baǵdarlamashy mamandyǵy boıynsha oqıdy.

«Osy ýaqyt ishinde somalılik jigit tildi jaqsy meńgerip, saltanatty is-sharalarǵa qatysyp, aqsha taýyp júrgen. Onyń vızasynyń ýaqyty bitken, sonyń negizinde QR Kóshi-qon zańnamasyn buzý deregi boıynsha hattama jasaldy. Materıal sotqa jiberildi. Endi sheteldik azamat deportatsııalanýy múmkin», - dep habarlady vedomstvodan.

Eske sala keteıik, budan buryn Oralda para aldy dep aıyptalǵan polıtsııa sheneýniginiń 5 jylǵa sottalǵanyn jazǵan bolatynbyz.

Sondaı-aq, Oralda áıeldi tonaǵan er adam vıdeoǵa túsip qaldy.