Asabalardyń kásibı ádebin kim baqylaýy kerek — mınıstrlik jaýap berdi
ASTANA. KAZINFORM — QR Mádenıet jáne aqparat mınıstrligi asabalar men mádenı is-shara júrgizýshileriniń kásibı ádebine kim jaýapty ekenin túsindirdi.
Aqparat komıtetiniń tóraǵasy Álisher Muqajannyń aıtýynsha, mádenı is-sharalardy júrgizýshilerdiń, onyń ishinde asabalardyń kásibı etıkasy men ózin-ózi retteý máselesi tıisti kásibı orta men is-sharany uıymdastyrýshylardyń jaýapkershiligi aıasynda qaralady.
— Qoǵamdyq ádep máselesin tek ákimshilik shekteýler arqyly retteý jetkiliksiz. Bul rette kontent óndirýshilerdiń, medıa jáne mádenıet salasy ókilderiniń kásibı jaýapkershiligin arttyrý, ózin-ózi retteý ınstıtýttaryn damytý jáne qoǵamnyń aqparattyq mádenıetin qalyptastyrý mańyzdy, — dedi spıker.
Sondaı-aq ol mınıstrlik aqparattyq mádenıetti arttyrý, tsıfrlyq keńistikte jaýapty minez-qulyq qalyptastyrý jáne aqparatty qaýipsiz paıdalaný baǵytynda túsindirý jumystaryn júrgizip jatqanyn atap ótti.
Aıta keteıik, buǵan deıin Memlekettik kirister komıteti asabalar men ánshilerge salyq salýǵa qatysty túsinik bergen edi.
