Asa úlken jylan avtomobıl kólik kapotynyń astynda saıahattady
ASTANA. 9 qyrkúıek. QazAqparat - Ońtústik Afrıkadaǵy qoryqta pıton demalysqa shyqqan brıtandyq juptyń kóliginiń astynda shaǵyn sapar jasady,
dep jazady THe Daily Mail. Marlın Sýort pen Leon Sýanepoldyń aıtýynsha, olarmen birge osyǵan uqsas oqıǵa eshqashan bolmaǵan jáne olar úlken jylanmen jasaǵan saıahatyn ómir boıy umyta qoımas.
Aǵylshyn otbasynyń baıandaýynsha, pıton olardyń kóliginiń astyna qoryqtaǵy arystandardy kórý úshin jaqyn jerdegi qaraý alańyna barǵanda kirgen kórinedi. Marlın Sýort pen Leon Sýanepol óz kólikterindegi jylanmen birge bes shaqyrymǵa jýyq jol júrdi. Sodan keıin kapotty ashyp qaraǵan, al jaıǵasyp alǵan jylan jan-jaǵyndaǵy adamdardyń sabyrsyzdanǵanyn kórip qana jatqan.
Olar qarmanyp júrip pıtondy kapot astynan shyǵarǵan. Álgi jylan typ-tynysh qana jorǵalap óz jaıyna kete barǵan.
