Asa iri mólsherde urlyq jasaǵany úshin kúdikti Grýzııadan ekstradıtsııalandy
ASTANA. KAZINFORM — Bas prokýratýra men Qarjy monıtorıngi agenttiginiń qyzmetkerleri, Qazaqstannyń Grýzııadaǵy elshiliginiń qoldaýymen senip tapsyrylǵan qarajatty urlaǵany úshin qylmystyq jaýaptylyqqa tartýǵa Grýzııadan Qazaqstan azamatyn ekstradıtsııalandy.
Tergeý barysynda atalǵan tulǵa kompanııa basshysy bola otyryp, adamdar tobynyń aldyn ala sóz baılasýymen, qarajatty urlaý maqsatynda, memlekettik satyp alý normasyn qoldanbaı, spýtnıktik jáne telekommýnıkatsııalyq jabdyqty jalǵa alýdyń zańsyz shartyn jasaǵany anyqtaldy.
Qylmystyq is-árekettiń nátıjesinde «Transtelekom» AQ arqyly memleketke 4 mıllıard teńgeden astam shyǵyn kelgen.
Qylmys jasaǵannan keıin kúdikti jasyrynǵan, osyǵan baılanysty halyqaralyq izdeý jarııalanǵan.
Naýryz aıynda ol Grýzııa aýmaǵynda ustalyp, Qazaqstan Bas prokýratýrasynyń suraýy boıynsha Qazaqstanǵa ekstradıtsııalandy.
Qazirgi ýaqytta kúdikti tergeý ızolıatoryna qamaldy.
Aıyp taǵylǵan qylmystar úshin qylmystyq zańnamada múlki tárkilenip, 12 jylǵa deıin bas bostandyǵynan aıyrý jazasy kózdelgen.
Aıta ketelik Qazaqstanǵa 1 mlrd teńge zalal keltirgen kúdikti Reseıden ekstradıtsııalanǵan edi.
