Asa iri kólemde esirtki satqan qazaqstandyq Reseıden ekstradıtsııalandy
ASTANA. KAZINFORM – QR Bas prokýratýrasy sot úkimin oryndaý maqsatynda Reseı Federatsııasynan sottalǵan Qazaqstan azamatyn ekstradıtsııalady.
Ol 2014 jyly adamdar tobynyń aldyn ala sóz baılasýy boıynsha Pavlodar qalasynda asa iri kólemde esirtki zattaryn satqan.
Polıtsııa qyzmetkerleri ony 66 kg marıhýana men 8 kg gashıshti odan ári satý maqsatynda tasymaldaý kezinde ustaǵan.
- Alaıda 2015 jyly sot úkimimen aqtalyp shyqqan. Keıin prokýrordyń narazylyǵy negizinde aqtaý úkiminiń kúshi joıylyp, sot oǵan 10 jyl 6 aı bas bostandyǵynan aıyrý jazasyn taǵaıyndaǵan.
Sol ýaqyttan beri ol qylmystyq jazadan jaltaryp, sottan boı tasalap, halyqaralyq izdeýge jarııalanǵan. 6 jyldan astam ýaqyt jasyrynyp júrgen, - dep jazdy baqylaýshy organnan.
2024 jyldyń jeltoqsanynda izdeýdegi adam Máskeý oblysynda ustalyp, Qazaqstan Bas prokýratýrasynyń suraýy boıynsha eline ekstradıtsııalandy.
Qazir ol ýaqytsha ustaý ızolıatoryna qamaldy. Jazasyn óteý úshin tıisti túzeý mekemesine jiberilmek.
Aıta keteıik, buǵan deıin de jasóspirimge zorlyq-zombylyq jasady degen kúdikpen Qazaqstan azamaty Reseıden jetkizildi.