Asa iri kólemde alaıaqtyq jasaǵan er adam Máskeýde ustaldy
ASTANA. KAZINFORM – Reseı Federatsııasy aýmaǵynda krımınaldyq polıtsııa qyzmetkerleri júrgizgen jedel-izdestirý is-sharalarynyń nátıjesinde 2012 jyldan beri halyqaralyq izdeýde júrgen Ózbekstan Respýblıkasynyń azamaty ustaldy.
13 jyl buryn ol jalǵan qujatty paıdalaný arqyly Qazaqstandaǵy bankterdiń birindegi jınaq shottarynan iri kólemde aqsha qarajatyn zańsyz jolmen alǵan. Qylmysty jasaǵannan keıin kúdikti Qazaqstan Respýblıkasynyń shekarasynan ótip ketkendikten, oǵan halyqaralyq izdeý jarııalanǵan bolatyn.
Іshki ister mınıstrliginiń suranysy boıynsha reseılik tarap kúdiktini Qazaqstan aýmaǵyna ekstradıtsııalaý týraly sheshim qabyldady. Qazirgi ýaqytta onymen quqyq qorǵaý organdarynyń qyzmetkerleri jumys istep jatyr.
Aıta ketelik Pavlodarda memleketaralyq izdeýde júrgen shetel azamaty ustalǵan edi.