Asa qundy Stradıvarı skrıpkasyn urlaǵandar qolǵa tústi
ASTANA. QazAqparat - AQSh-ta quny 5 mln dollar bolatyn Stradıvarı skrıpkasyn urlady degen kúdikpen 3 adam ustaldy. Bul týraly prokýratýra ókilderi habarlady.
1715 jyly jasalǵan aspap 27 qańtarda Mılýokı (Vıskonsın shtaty) sımfonııalyq orkestriniń kontsertmeısteri Frenk Elmondtan urlanǵan.
Oqıǵa orkestr óner kórsetken lıýterandyq kolledjdiń kólik turaǵynda oryn alǵan. Qylmysker Elmondty elektroshokermen uryp, skrıpkany tartyp alyp, sybaılasy júrgizgen kólikke otyryp izin sýytqan.
Qoldy bolǵan aspap mýzykalyq ortada «Lıpınskııdiń Stradıvarıi» degen atpen belgili, dep habarlady ITAR-TASS.
