Asa qajettilik týyndamasa, úıden shyqpańyzdar – Almaty ákimi
ALMATY. QazAqparat – Almaty qalasynyń ákimi Baqytjan Saǵyntaev megapolıs turǵyndaryn úıde qalýǵa jáne aıryqsha qajettilik bolmasa kóshege shyqpaýǵa shaqyrady, dep habarlaıdy QazAqparat tilshisi.
«Shekteý sharalaryn kúsheıtý, ásirese qalada júrip-turýdy doǵarý sharalary bárimizge qatysty. Basty maqsat - aýa-tamshy jolymen beriletin koronavırýstyń beleń alyp ketpeýine tosqaýyl qoıý. Asa qajettilik týyndamasa, úıden shyqpańyzdar. Karantın kezinde oqshaýlanyp, úıińizde otyrsańyz, siz ózińizdi jáne jaqyndaryńyzdy qaýipti indetti juqtyrýdan saqtaısyz», – dep jazdy qala ákimiInstargam –daǵy paraqshasynda.
