Asa iri ýly órmekshiniń kesirinen áýe laıneri ushpaı qaldy
ASTANA. QazAqparat - AQSh-tyń Baltımor qalasyndaǵy halyqaralyq áýejaı qyzmetkerleri júk bóliginen iri qus jeıtin ýli órmekshiniń tabylýyna baılanysty Delta kompanııasy áýe laıneriniń ushýyna tyıym saldy.
Bul týraly Delta resmı ókili Braıen Krýz málim etti.
Onyń sózine qaraǵanda, Shyǵys Afrıkada tirshilik etetin ýly órmekshini jolaýshylardyń chemodandary men qol júkterin tıep jatqan jumysshylar baıqap qalǵan. Qus jegish órmekshini áýejaı qyzmetkerleri birden ustaǵandyǵy habarlandy.
Áýe laıneri Atlantaǵa(Djordjııa shtaty) ushýy tıis bolatyn.
Oqys oqıǵaǵa baılanysty barlyq jolaýshylar, úsh saǵattaı keshigip, basqa reıspen attandyryldy.
