Asa iri sýasty observatorııasy kıberkeńistikke shyqty
ASTANA. Jeltoqsannyń 14-i. QazAqparat - C-FAX 1070 resýrsy «Neptýn» asa iri sýasty observatorııasynyń muhıtta jınaǵan derekterin ınternetke bere bastaǵanyn málim etti,
dep habarlaıdy QazAqparat ITAR-TASS saıtyna silteme jasap.«Neptýn» jyl saıyn ǵalymdarǵa 50 terabaıtqa jýyq aqparattardy jetkizip turady dep kútilýde.
Observatorııa birneshe baǵyttar boıynsha zertteýler júrgizýge arnalǵan. Mysaly, «Neptýn» zilzalany jáne onyń saldarynan týyndaıtyn tsýnamıdi boljamdaýmen jáne zertteýmen aınalysady. Sonymen qatar, observatorııanyń kómegimen ǵalymdar teńiz jándikteri men ósimdikterin zertteýdi kózdep otyr. «Neptýnnyń» taǵy bir mindeti - muhıttyń tereń sýasty ekojúıesine balyq aýlaýdyń áserin zertteý.
Sonymen qatar, observatorııa gaz gıdrattaryn - qysym men temperatýranyń belgili bir qatynastary kezinde túrli gazdardyń sýmen aralasýynan paıda bolatyn krıstall qosyndylaryn izdeıtin bolady. Gaz gıdrattary túrinde túrli parnıkti gazdar, mysaly, metan bólinýi múmkin. Olardy bir jaǵynan - energııa kózi retinde, ekinshi jaǵynan qaýipti gazdardyń atmosferaǵa yqtımal bólinýi retinde qarastyrýǵa bolady.
Observatorııa elektrli kábildermen baılanysqan kóptegen ǵylymı prıborlardan turady. Prıborlar jınaǵan aqparattar táýligine 24 saǵat boıy is júzindegi rejımde ınternetke túsedi. «Neptýn» keminde 25 jyl jumys isteıdi dep kútilýde. Jobanyń quny 100 mıllıon dollaryn quraıdy.
