Asa iri aǵylshyn-sakson oljasy 3 mıllıon fýntqa baǵalandy
ASTANA. Jeltoqsannyń 3-i. QazAqparat - Brıtan úkimetiniń janynda jumys isteıtin táýelsiz sarapshylar Staffordshırde tabylǵan aǵylshyn-sakson oljasyn rekordtyq somaǵa - 3,285 mıllıon fýntqa baǵalady,
dep habarlaıdy QazAqparat AFP saıtyna silteme jasap.
Osylaısha, jýrnalıster «Staffordshır qazynasy» degen ataý bergen olja osyndaı qazynalardyń irisi ǵana emes jáne eń qundysy da bolyp otyr. Olja 5 keli altyndy jáne 1,3 keli kúmisti quraıdy.
Jumyssyz qazyna izdeýshi-áýesqoı Terrı Gerbert metallizdegish quraldyń kómegimen shildede VII ǵasyrǵa jatatyn myń jarymnan astam zattardyń ústinen túsken bolatyn.
Endi, Terrı Gerbert pen jerinen qazyna tabylǵan fermer Fred Djonson úsh jarym 3 mıllıonnan astam fýntty teń bólip alýǵa qolyn ysqylap otyr. Bul aqshany qazir Bırmıngem jáne Stok-on-Trent murajaılary jınaýda.
Qazirgi ýaqytta qundylyqtardyń bir bóligi Londondaǵy Brıtan murajaıyna qoıyldy; ol tabylǵan oljalar týraly kitap shyǵaryp ta úlgerdi.
