Asa aýyr salmaqtaǵy Vıtalıı Klıchko bokstan ketpekshi
ASTANA. 28 qazan. QazAqparat - WBC nusqaýy boıynsha, asa aýyr salmaqtaǵy álem chempıony, ýkraındyq boksshy Vıtalıı Klıchko sporttyq mansabyn jaqyn arada aıaqtaıtyndyǵyn málimdedi, dep jazdy bnews.kz.
«Men sporttyq mansabymdy aıaqtaǵaly júrmin, ári ketse bir-eki kezdesý ótkizetin shyǵarmyn», - dedi Klıchko beısenbi kúni TVi telearnasynyń efırinde.
«Aǵaıyndy Klıchkolardyń qolǵap túıistirýin úzbeı tamashalaıtyndarǵa aıtarym, ýaıymdamańyzdar, Vladımır menen bes jas kishi, sizderdi qyzyqty jekpe-jegimen áli talaı qýantatyn bolady», - degen 40 jasar Vıtalıı Klıchkonyń sózin mysalǵa keltirdi «Vzglıad» basylymy.
Aǵaıyndy Klıchkolardyń úlkeni kásipqoı sharshy alańda 45 kezdesý ótkizdi. Jeńgen 43 kezdesýiniń 40-yn ol ýaqytynan buryn aıaqtaǵan bolatyn, al qalǵan ekeýinde (alǵan jaraqaty saldarynan) jeńilis tapty.
Aǵaıyndy Klıchkolar álem chempıonynyń barlyq bedeldi bes beldigin taqqan: Vladımır tórt nusqa, atap aıtqanda: IBF, WBA, WBO jáne IBO - boıynsha chempıon bolyp tabylady, al Vıtalıı - WBC nusqaýy boıynsha álem chempıony.
