Asa aýyr salmaqtaǵy qazaqstandyq boksshy qarsylasyn nokaýtpen jeńdi

ASTANA. QazAqparat - Mınskide qazaqstandyq boksshy Jan Kosobýtskııdiń (8-0, 7 KO) jekpe-jegi ótti, dep habarlaıdy Sports.kz.

30 jastaǵy qazaqstandyq asa aýyr salmaqtaǵy bosshy Bosnııa jáne Gertsegovınadan kelgen Srdjan Govedarıtsamen (6-6, 5 KO) aıqasty. Onyń boıy eki metrdi quraıdy. Alty raýndqa eseptelgen aıqas Kosobýtskııdiń jeńisimen aıaqtaldy. Ol qarsylasyn birinshi raýndta nokaýtqa túsirdi. Osylaısha, Jan kásibı rıngtegi toǵyzynshy jeńisine qol jetkizdi. Onyń ishinde segiz jekpe-jekti nokaýtpen aıaqtasa, Govedarıtsa kásibı mansabynda segizinshi ret jeńildi.

Kosobýtskıı munyń aldyndaǵy aıqasyn da 29 qarashada Mınskide ótkizgen edi. Ol ekinshi raýndta jergilikti boksshy Aleksandr Nehaıchıkti (1-4, 0 KO) tehnıkalyq nokaýtpen jeńdi.