Asa aýyr salmaqtaǵy qazaqstandyq boksshy Grýzııalyq qarsylasyn jeńdi

ASTANA. QazAqparat - Asa aýyr salmaqtaǵy qazaqstandyq boksshy Jan Kosobýtskıı (5-0, 5 KO) kásipqoı rıngtegi altynshy jekpe-jegin sátti aıaqtady, dep habarlaıdy «SPORTINFORM» SAA.

Kıevte ótken boks keshinde Kosobýtskıı grýzııalyq Iraklı Gvenetadzemen (10-7, 9 KO) kezdesti. Aýyr salmaqtaǵy boksshylardyń jekpe-jegi 6 raýndqa josparlanǵan bolatyn.

Kosobýtskıı alǵashqy sátten bastap sheberligin kórsete bastady. Gvenetadze djepterdi kóp ótkizip otyrdy. Onyń ústine, qazaqstandyq boksshy ony rıngtiń arqandaryna qysyp, oń jáne sol jaq búıirden soqqylar jaýdyrdy. Sátti jasalǵan sońǵy soqqylardan keıin Iraklı nokdaýnǵa tústi. Ekinshi raýndta Gvenetadze aıqasty jalǵastyrýdan bas tartty. Jeńis tehnıkalyq nokaýtpen Jan Kosobýtskııge berildi.

Osylaısha, ol altynshy jekpe-jegin nokaýtpen aıaqtap, kásipqoı bokstaǵy jeńisti jolyn jalǵastyrýda. 27 jastaǵy grýzııalyq boksshy 10 aıqas ótkizip, onyń 8-inde jeńilis tapty.