Asa aýyr salmaqtaǵy álem chempıony V. Klıchko óziniń jańa bapkeriniń esimin atady
ASTANA. 9 qarasha. QazAqparat - IBF/IBO/WBA/WBO versııasy boıynsha asa aýyr salmaqtaǵy álem chempıony Vladımır Klıchko bokstan óziniń jańa bas jattyqtyrýshysynyń esimin resmı túrde málim etti.
Ol - marqum Emanýel Stıýardtyń shákirti - 30 jastaǵy Djonaton Benks, dep habarlandy www.svit24.net. saıtynda.
V. Klıchko: «Ol Djonaton Benks bolatynyn áý bastan bilgenmin. Bul adam Stıýardtan kóp nárseni úırendi», - dep atap ótti.
Vladımır D. Benkspen 9 jyl buryn tanysty. Stıýardpen de sol ýaqytta tanysqan bolatyn. Benks bokstasýǵa áli de shyǵyp júr jáne ol Vladımırdiń turaqty sparrıng-áriptesi bolyp tabylady.
Eske salaıyq, D. Benks Stıýardtyń nashar densaýlyǵy týraly belgili bolǵannan keıin Vladımır Klıchkony Marıýsh Vahqa qarsy jekpe-jekke daıyndaı bastaǵan bolatyn. Vahpen jekpe-jek 10 qarashada Gambýrgte ótedi.
Benks bokstaǵy óziniń jeke karerasyn jalǵastyra beretin bolady. Onyń Sett Mıtchellge qarsy aıqasy 17 qarashada AQSh-ta ótedi.
